🌊北海道冰下魚（氷下魚 コマイ）
唔使去街市 隨時煲到靚魚湯
120克一包（約10-12條）
收工返到屋企，
想飲碗魚湯但又唔想去街市買魚、洗魚？搞到成手腥味？😫
北海道冰下魚乾 （又名：冬冬魚），有魚鮮味又有魚乾的鹹香，
買定幾包放家中，
隨時飲魚湯無難度！
也可製作成惹味小吃，
一物兩用。
🧐什麼是冰下魚？
產地來源： 北海道著名的嚴冬特產，於冰層下捕獲而得名。
製作處理： 捕撈後隨即去頭去內臟，進行天然風乾，將魚肉鮮味大大濃縮。
味道特點： 淡雅而帶鮮味，有獨特香氣，無鮮魚處理不當的腥味。若製作成佐酒小吃，越嚼越有味。
🥣 推介食法一：美味魚湯
魚乾入湯後釋放淡淡鹹香，湯頭清而不膩。
🍅 番茄豆腐冰下魚湯（2-3人份）
材料：冰下魚（6條）、白蘿蔔（半條）、番茄（3個）、洋蔥（1個）、白玉菇（1盒）、豆腐（適量）、薑片（4片）
做法：
1.沖洗冰下魚，用廚房紙抹乾。
2. 蘿蔔去皮切塊、番茄洋蔥切細、白玉菇洗淨備用。
3. 下油燒熱鑊，落薑片煎香冰下魚，加入滾水大火滾 15 分鐘。
3. 另準備一鍋，加入番茄、洋蔥、蘿蔔、白玉菇。
4. 倒入魚湯連魚煲 1 小時，最後加豆腐再煲 10 分鐘即成。
🥒 節瓜豆腐腰果冰下魚湯（2-3人份）
材料： 冰下魚 (5-6條)、節瓜 (1-2條)、腰果 (70克)、豆腐 (適量)、薑片 (4片)。
做法：
1. 節瓜去皮切細，腰果與冰下魚沖洗備用。
2. 鍋中加水，放入所有材料大火煲滾後轉小火煲 1 小時。
3. 最後加入豆腐再煲 10 分鐘即可。
（小貼士：冰下魚先煎香再煲，更惹味、湯身更濃郁！）
💡 進階食法： 想湯水更豪氣？煲花膠海參湯時加入幾條冰下魚，瞬間提升鮮味層次，鮮上加鮮！
🍺 推介食法二：惹味佐酒小吃
開 Party、睇波、煲劇大派用場，香口惹味！
製作步驟：
1. 清潔： 魚乾用濕布抹乾淨。
2. 鬆肉： 用乾布包好魚身，利用肉槌或厚瓶子敲打，用手拗彎魚身，讓魚肉纖維鬆開。
3. 去皮： 從胸鰭開始撕，魚皮輕易整塊撕掉。
4. 火烤： 撕成小塊，去掉魚骨，用火槍燒香或焗爐烘烤至微焦。
5. 靈魂蘸醬： 蘸沙律醬 + 七味粉，就是日式居酒屋風味！
